ალუმინის გადამუშავების წესები

გადასამუშავებელი მასალის მეოთხე სახეობა, რომელიც გროვდება თბილისში Clean World-ის მიერ, არის ალუმინი.

ვიკიპედიის თანახმად “ალუმინი დაუსრულებლად გადამუშავებადი მასალაა. მისი გადამუშავება 95 პროცენტით ნაკლებ ენერგიას საჭიროებს, ვიდრე პირველადი მასალის წარმოება, რაც ასევე ამცირებს გამონაბოლქვებს, მათ შორის სათბურის გაზებს. დღესდღეობით ისტორიაში წარმოებული ალუმინის 75%, რაც დაახლოებით მილიარდ ტონას შეადგენს, ისევ მოხმარებაშია”.

შესაგროვებელ პუნქტთან შეგიძლიათ მიიტანოთ:
• ალუმინის ქილები
სხვა ალუმინის შეფუთვები, რომლებსაც აქვს სამკუთხედი ნიშანი 
ციფრით 41, ან ასოები ALU.

❗️ როგორ მოვამზადოთ ალუმინი გადასამუშავებლად:
• კარგად გამორეცხეთ გამოყენების შემდეგ (განსაკუთრებით თუ ქილა სავსე იყო ტკბილი სასმელით)
• გააბრტყელეთ რამდენადაც შესაძლებელია
• გთხოვთ დარწმუნდეთ რომ თქვენი ალუმინის ქილები ცარიელია. ასევე მოხსენით სახურავები, რომ შეამციროთ სამუშაო მეორადი გადახარისხების დროს.

❌ გთხოვთ გაითვალისწინოთ: ალუმინის კილიტა (რუს. ფოლგა) საქართველოში არ მიიღება გადასამუშავებლად.

✳️ ალუმინის გარდა იგივე ნაგვის ყუთში შეგიძლიათ ჩაყაროთ კონსერვის ქილები. ამჟამად ყველა კონსერვის ქილა გროვდება განცალკევების ობიექტზე, საიდანაც საკმარისი რაოდენობის შეგროვების შემდეგ, იგზავნება გადასამუშავებლად.
საქართველოში არ გვაქვს ალუმინის გადამუშავების დაწესებულება, ამიტომ ყველა შეგროვებული ალუმინი იგზავნება საზღვარგარეთ.

♻️ აქვე შეგიძლიათ იხილოთ Clean World-ის შემგროვებელი პუნქტების რუქა, მეტი ხელმისაწვდომობისთვის.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.