პლასტმასის გადამუშავების წესები

კარგია, თუ პლასტმასის გადამუშავება გადაწყვიტეთ, მაგრამ გარშემო იმდენი სხვადასხვანაირი პლასტმასის ნივთია, რომ შეიძლება დაიბნეთ. ჩვენ გვინდა, დაგეხმაროთ და საკითხი ცოტა უფრო მარტივი და ადვილად გასაგები გავხადოთ. ამიტომ, ამ პოსტში განვმარტავთ, თუ რა ტიპის პლასტმასს იღებს გადასამუშავებლად Clean World Recycling.ge, ერთადერთი სანდო ოპერატორი დღესდღეობით.

Clean World Recycling.ge პუნქტების რუკა იხილეთ აქ.

უმთავრესი წესი ასეთია – პლასტმასის ყველა ნივთი ან ნაწილი, რომელიც თქვენს ხელთ არის, უნდა გადამუშავდეს. ნებისმიერ შემთხვევაში, შემდეგ ეს ყველაფერი ხელით დახარისხდება, მაგრამ იმ ადამიანების შრომას რომ პატივი ვცეთ, ვინც გადამუშავების ობიექტზე მუშაობს, შეგვიძლია დავიცვათ ზოგადი წესები:

  • დასამუშავებლად მომზადებული პლასტმასის ნივთები უნდა იყოს სუფთა (წყალი გადაავლეთ და საკვების ან სასმელის ნარჩენებისგან გაათავისუფლეთ)
  • ბოთლი არ უნდა შეიცავდეს სითხეს
  • შეგიძლიათ მოხსნათ სახურავები ან ხუფები და ცალკე მოათავსოთ იგივე ყუთში
  • დაკეცეთ ყველა ბოთლი და სხვა ნივთი, სანამ ყუთში მოათავსებთ, რათა რაც შეიძლება ნაკლები ადგილი დაიკავოს.

პლასტმასის პროდუქტების უმეტესობას აქვს წარწერები ან ნიშნები მითითებით თუ რა ტიპის პლასტმასით არის დამზადებული. წარწერებს ეტიკეტების ქვედა ნაწილში იპოვით. არსებობს 7 ძირითადი ტიპი:

  • 1 ან PET (PETE) – პოლიეთილენი. ერთ-ერთი ყველაზე გავრცელებული და ადვილად გადასამუშავებელი ტიპი. სუპერმარკეტებში წყლისა და გამაგრილებელი სასმელის ბოთლები, კვერცხის კონტეინერები და საჭმლის ყუთები მზადდება ამ პლასტმასისგან.
  • 2 ან HDPE – მაღალი სიმკვრივის პოლიეთილენი. ამ ტიპს იყენებენ ბოთლების დასამზადებლად შამპუნებისთვის, შხაპის თხევადი საპნისათვის, თხევადი სარეცხი საშუალებების თუ სხვა საწმენდი საშუალებებისათვის.
  • 3 ან PVC – პლასტმასის ტექნიკური ტიპი. გთხოვთ, თავიდან აიცილოთ.
    ის არ არის შესაფერისი საკვების შეფუთვისთვის, მაგრამ მაინც შეგიძლიათ იპოვოთ სუპერმარკეტებში, მაგალითად, როგორც ლანგარი ტკბილეულობისთვის. გადამუშავებადი არ არის. შეიცავს ფტალატებს და ათავისუფლებს სუპერ შხამიან გაზებს დაწვისას.
  • 4 ან LDPE – დაბალი სიმკვრივის პოლიეთილენი. გამოიყენება სავაჭრო ჩანთების, საკვების შესაფუთი და საყოფაცხოვრებო ნივთების დასამზადებლად (მაგალითად ტუალეტის ქაღალდის შეფუთვა). ეს არის ეგრეთ წოდებული რბილი პლასტმასი.
  • 5 ან PP – პოლიპროპილენი. გამოიყენება კოსმეტიკური შეფუთვების, წამლის ბოთლების, სათამაშოების, ავეჯის და სხვა ნივთების დასამზადებლად.
  • 6 ან PS – პოლისტიროლი. პოლივინილის ქლორიდი. თეთრი კონტეინერები, რომლითაც სუპერმარკეტებიდან მოგაქვთ თევზი, ხორცი და ყველი. გამოიყენება ერთჯერად ჭურჭლის, CD დისკების ყუთების, კოსმეტიკური ჩანთების და სხვა მრავალი ნივთის დასამზადებლად. ამ ტიპის პლასტმასი შესაძლოა საშიში იყოს ჯანმრთელობისათვის, რადგან შეიძლება გამოიწვიოს სტირენის, სავარაუდოდ კანცეროგენული ქიმიური ნივთიერების გაჟონვა. პოლისტიროლი რთულად მუშავდება და უნდა ვეცადოთ, თავიდან ავიცილოთ მისი მოხმარება.
  • 7 ან სხვა – პლასტმასის უცნობი და არაპროგნოზირებადი კომბინაციები. გთხოვთ, მაქსიმალურად, ეცადოთ მათი თავიდან აცილება.

Clean World Recycling.ge იღებს მარტო 1, მე-2 და მე-5 ტიპის პლასტმასას.

❗️ ის, რასაც Clean World არ მიიღებს გადასამუშავებლად:

  • შეფუთვა ან ნივთები პლასტმასისგან 3, 4, 6, 7 ნიშნით
  • ნებისმიერი სხვა შეფუთვა ან ნივთები პლასტმასისგან, ნიშნის გარეშე
  • პლასტმასის ბოთლები, რომლებიც შეიცავს ზეთს (ზეთი აღწევს PET- ში და მისი გაწმენდა ძალიან რთულია)
  • ერთჯერადი პლასტმასის ჭურჭელი
  • პოლიეთილენის პარკები და ნებისმიერი სხვა რბილი შეფუთვა პლასტმასისგან
  • კბილის პასტის შეფუთვები

თუ რაიმე ეჭვი გაქვთ, შეამოწმეთ ნიშანი პლსტმასის პროდუქტის შესახებ და შეადარეთ პოსტში არსებულ ინფორმაციას 🙂

ეს ყველაფერი თავიდან შეიძლება ცოტა რთულად მოგეჩვენოთ, მაგრამ რამდენჯერმე თუ დაახარისხებთ პლასტმასის ნარჩენებს ინსტრუქციის მიხედვით, მერე გაგიადვილდებათ და ყოველგვარი ძალისხმევის გარეშე შეძლებთ პროცედურის ჩატარებას. კითხვების დასმის არ მოგერიდოთ. ჩვენ ყველანაირად ვეცდებით, ამომწურავი პასუხები გაგცეთ და დაგეხმაროთ. შეგვიძლია ერთად გადავწყვიტოთ, როგორ ვიმოქმედოთ სწორად. თუმცა უნდა გვახსოვდეს, რომ გადამუშავება არ არის გამოსავალი. უკეთესი გზაა ზოგადად პლასტმასის მოხმარების შემცირება და პლასტმასის ნივთების ჩანაცვლება მრავალჯერადი ალტერნატივებით.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.